මෙම නිබන්ධනය පරිච්ඡේද කිහිපයක් ඔස්සේ විග්‍රහ කෙරේ.ප්‍රථමයෙන් කලාව පිළිබද කෙටි හැදින්වීමක් අන්තර්ගතය.දෙවනුව ලංකාවේ බෞද්ධ විහාර ආශ්‍රිත චිත්ර කලාවේ ආරම්භය හා විකාශය පිළිබඳ කෙටි හැදින්වීමක් වේ.විශේෂයෙන් විවිධ දේශපාලන,ආර්ථික,සමාජීය හා ආගමික විපර්‍යාසයන්ට ලක්වෙමින් මහනුවර යුගය දක්වා ඉතා දීර්ඝ කාලපරිච්ඡේදයක් තුළ විහාර චිත්ර කලා සම්ප්‍රදායේ සිදු වූ ආගමනය පිළිබඳව ඉදිරිපත් කරයි.තුන්වනුව මහනුවර යුගයේ චිත්ර කලා සම්ප්රදාය දේශීය හා විදේශීය ආභාසය ලබමින් ශ්‍රී ලංකාවේ දකුණු ප්‍රදේශයයට ව්‍යාප්ත වූ ආකාරයත් විස්තර කර ඇත.සිව්වන පරිච්චේදය ඔස්සේ මහනුවර යුගයට සමකාලීනව නිම වූ පහතරට විහාර සිතුවම් පිළිබඳ විමසීමක් කරයි.මෙහිදී විශේෂයෙන් අවදාරනය කිරීමට බලාපොරොත්තු වන්නේ දක්ෂිණ ලංකාවේ ගාල්ල දිස්ත්‍රික්කයට අයත් තොටගමු රජමහා විහාරය, අම්බලන්ගොඩ සුභදාරාමය හා දොඩන්දූව රජමහා විහාරය යන විහාරස්ථානවල ඇති සිතුවම් කෙරෙහිය.මෙම සිතුවම් තුළින් හෙළිවන පහතරට සමාජ විපර්‍යාසයන් අධ්‍යනය කිරීම අරමුණ වේ.
ලංකාවේ චිත්ර කලා ඉතිහාසය
භූ ගෝලීය පිහිටීම් අනුව ලංකාව ප්‍රමාණයෙන් ඉතා කුඩා දිවයිනක් වුවද ,විශිෂ්ට සිතුවම් කලා සම්ප්‍රදායකට උරුමකම් කියන්න ,දීර්ඝ ඉතිහාසයක් හිමි රටක් හැටියට පුරාවිද්‍යා පුරාවිද්‍යාඥයන්ගේත් චිත්ර කලා රසිකයන් ගේ ද නොමද අවධානයට සහ සාකච්ඡාවට ලක්වූ පාරාදීසයක් හැටියට හඳුන්වා දීම නිවැරදිය .ප්‍රාග් ඓතිහාසික අවදියෙන් පටන් ගැනෙන තවත් පැහැදිලිව කියතොත් ක්‍රිස්තු පූර්ව 3 හෝ 2 හෝ ශත වර්ෂයන් ගෙන් පටන් ගෙන විසිවන ශතවර්ෂය දක්වා දිවෙන පොහොසත් පර්වත සහ බිතුසිතුවම් කලා සම්ප්‍රදායක් ශ්‍රී ලංකාව සතුව තිබීම ඊට හේතුවයි .ලංකාවේ චිත්ර කලාව පිළිබඳව සජීවී සාධක අයත් වන්නේ ප්‍රාග් ඓතිහාසික යුගයටය.ප්‍රාග් ඓතිහාසික යුගයට අයත් යැයි නිශ්චිතව හඳුනාගෙන ඇති ලෙන් සහ ගුහා චිත්ර හා කුරුටු ලියවිලි තිස්තුනක් දැනට හමු වී තිබේ .ඒවායේ ස්වරූපය අනුව සියලුම චිත්ර සටහන් වර්ග තුනකට බෙදා දැක්විය හැකිය. 1. ඒකවර්ණ ඡායා මාත්‍රයක් සහිත චිත්ර 2. බහුවරණ භාවිතා කළ චිත්ර 3. කැටයම් ස්වරූපයෙන් නිමැවුණු චිත්ර ක්‍රිස්තු පූර්ව අවසන් සියවස් කිහිපය තුළ ශ්‍රී ලාංකික ජන ජනස...
Comments
Post a Comment